kutubhona

давлатларнинг зулматларига барҳам берди. Форс, Рум империялари қулади. Ислом давлати буюклашгандан буюклашиб борди. Жиҳод билан бир қаторда ҳамма ёқда адолат ҳукм сурди. Уқоб байроғи, Аллоҳдан ўзга илоҳ йўқ, Муҳаммад Аллоҳнинг пайғамбаридир, деган муборак сўзлар битилган уқоб байроғи юқори кўтарилди. Зафар кетидан зафарлар қучилиб, ер юзи Ислом ва Ислом қўшини билан обод бўлди.

Ислом билан одамлар учун чиқарилган энг яхши уммат вужудга келди.18
Ислом билан бутун оламни адолатга буркаган бир нурли давлат барпо бўлди. Бу уммат ва бу давлатни Аллоҳнинг Китоби ва Пайғамбар с.а.в.нинг суннатлари бошқарди.

Мусулмонлар Пайғамбар с.а.в.нинг замонларида ҳам, саҳобаларнинг замонларида ҳам Қуръон ва суннатни жуда тўғри тушунишарди. Шундай тушунардиларки, дил таскин топарди, юрак ором оларди. Пайғамбар с.а.в. уларга бирор оят ёки оятнинг бир қисмини шаръий йўл билан тушунтирсалар ва ўша оят ёки оятдаги сўзга шаръий ҳақиқатни (маънони) юкласалар, дарҳол унга эргашиб, амал қилиб кетаверардилар. Агар Пайғамбар с.а.в. унга шаръий ҳақиқатни (маънони) юкламасалар, унинг мазмунини ўзларининг тилидан, Қуръон нозил қилинган араб тилидан ахтарардилар.
Масалан, Пайғамбар с.а.в. уларга

وَأَقِيمُواْ الصَّلاَةَ
– „Намозни тўкис адо қилинг“. [2:43]
оятини ўқиб бериб, ортидан махсус сўзлар ва амаллар билан намозни кўрсатиб берсалар, «солат» сўзини худди мана шу шаръий маънода тушунишиб, унга амал қилардилар ва унинг луғавий дуо, деган маъносини ташлаб кетаверардилар.
Агар уларга

حُرِّمَتْ عَلَيْكُمُ الْمَيْتَةُ
– „Сизларга ўлаксаҳаром қилинди“. [5:3]
оятини тиловат қилиб, унга шаръий маънони юкламасалар, уни ўз тилларидан қидириб, ўлимтикнинг ҳаромлигини топиб олардилар.

Улар мана шундай йўлдан боргандилар. Агар Пайғамбар с.а.в. томонидан аниқ бир тушунтирув бўлса, унга эргашардилар, амал

(18) (كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ (Эй уммати Муҳаммад), одамлар учун чиқарилган миллатларнинг энг яхшиси бўлдингиз. Зеро сиз яхши амалларга буюрасиз, ёмон амаллардан қайтарасиз ва Аллоҳга имон келтирасиз).